Jorida Tabaku është bërë sërish nënë, këtë herë e një djali që ka bërë të lumtur të gjithë familjen. Lajmin e ka dhënë vetë ajo me anë të një postimi në ‘Instagram’ ku shfaqet dora e të voglit teksa kap gishtin e nënës së tij. Ish-deputetja ka ndarë emocionet e momentit të rëndësishëm me fjalë të zgjedhura. “Dje pak pas mesdite erdhi në jetë Dren Sallaku. Arba dhe Iris janë shumë të lumtura për vëllaçkon e vogël. Mami Jorida dhe babi Saimir janë më shumë se të lumtur për mrekullinë e vogël që i shtohet familjes tonë”, ka shkruar Tabaku.
Kujtojmë se Jorida është nënë edhe e dy vajzave binjake të cilat janë pak më të rritura. Ajo ka zgjedhur ta mbajë familjen larg vëmendjes mediatike, jo më kot fotot me ta janë shumë të rralla. / revistawho.com
