Jozefina Topalli e prekur, tregon momentin më të vështirë në jetë

E ftuara e radhës në emisionin ‘Rudina’ ishte ish-kryetarja e Kuvendit, Jozefina Topalli. Jozefina ka folur për jetën e saj private dhe karrierën e gjatë si politikane. Ajo ka treguar se përfshirja e saj në politikë nuk ka qenë fare e rastësishme, sepse gjyshi i saj, Gjon Çobaj ka qenë një ndër senatorët e parë të politikës shqiptare. Më tej ajo ka rrëfyer se ka një lidhje shumë të ngushtë me nënën e saj, e cila para dy vitesh ka qenë në një moment kritik për jetën. Topalli ka thënë se kjo ka qenë një nga periudhat më të vështira në jetën e saj. “Ka qenë një moment shumë i vështirë për mua. Para dy vjetësh mamaja ime ishte në fund të jetës, unë e mora siç ishte me autoambulancë dhe e solla në Tiranë te apartamenti im”, – ka rrëfyer e prekur Jozefina. Megjithatë ajo ka shtuar se tani është shumë e qetë dhe e lumtur që e ka pranë vetes. /revistawho.com