Ditën e sotme Jozefina Topalli është vlerësuar me çmimin e karrierës nga Universiteti i Shkodrës dhe për këtë event të rëndësishëm është shoqëruar nga vajza dhe nipi i saj i porsalindur. Sipas “Gazeta Shqiptare” në sallën ku Jozefina mbajti fjalimin është parë e bija, Megi, bashkë me karrocën e fëmijës.
Sigurisht që as këtë herë nuk është zbuluar portreti i vogëlushit, duke qenë se e gjithë vëmendja ka qenë e përqëndruar mbi gjyshen e tij. Gjatë fjalimit të saj të mirënjohjes, Topalli është shprehur e lumtur, pasi nuk e priste që do nderohej me një çmim të tillë. “Isha me djalin e porsalindur të vajzës në krah kur mora mesazhin nga një pedagoge e universitetit dhe më tha se do nderohesha me një çmim. U habita se kur bie nga pushteti nuk të japin çmime”, ka thënë Topalli. Ish-kryeparlamentarja u bë gjyshe gjatë muajit gusht, kur vajza e saj Megi solli në jetë djalin që e pagëzuan me emrin Nikola. /revistawho.com
