Aurela Gaçe është një ndër artistet që ka eksperimentuar më shumë me pamjen gjatë karrierës së saj. Ajo ka guxuar gjithmonë të provojë trendet dhe madje shpesh ka qenë e para që ka sjellë modën e fundit në Shqipëri. Aurela mund të cilësohet pa frikë si një kameleon, sepse nuk ka lënë pa provuar modele flokësh me ngjyra të ndryshme. Në shumicën e rasteve Gaçe ka preferuar të stilohet vetë dhe ja ka dalë gjithmonë mbanë të nxjerrë më të mirën. Duke qenë se ka provuar kaq shumë gjëra ajo ka vendosur që në ditën e “Halloween-it”, kur të gjithë ndryshojnë e maskohen, të qëndrojë tërësisht natyrale. Ditën e sotme Aurela ka zbuluar se për ‘Halloween’ nuk do të bëjë asgjë, as nuk do të grimohet e as nuk do të rregullohet. Këngëtarja ka publikuar disa foto me pamjet e saj më të guximshme ndër vite dhe përkrah tyre ka shkruar: “E kam vendosur! Po mendohesha se si do të maskohesha të enjten për ‘Halloween’. Meqënëse gjithë jetën e kam maskuar veten si për ‘Halloween’, zgjidhja e vetme më ka ngelur të dal pa grim fare. Kështu do t’ju tremb të gjithëve më në fund. Shihemi datë 31 tetor. Pa grim, pa maskë, thjesht njerëz natyral”.
https://www.instagram.com/p/B4NstXbgPfQ/
Kjo është një nga idetë më origjinale që kemi dëgjuar deri më tani dhe me siguri shumë vajza që përtojnë të maskohen e grimohen për ‘Halloween’ do e pëlqejnë shumë. /revistawho.com
