David Beckham u kap disa ditë më parë duke pëdorur telefonin gjatë kohës që i jepte makinës. Për këtë arsye autoritetet i pezulluan ish-futbollistit për 6 muaj lejen e drejtimit. Pavarësisht se ka një numër të madh makinash luksoze, tani David duhet t’i lutet djalit të tij për ta lëvizur nëpër qytet me makinë. Së fundmi ai është fotografuar i ulur në sediljen e pasagjerit, gjatë kohës që djali i tij i madh, Brooklyn, drejtonte makinën.
Ata u panë duke u larguar nga stadiumi i Wembley, pasi David ndoqi ndeshjen e futbollit mes Salford City dhe AFC Fylde. Fotografitë, në të cilat Brooklyn shihej duke shëtitur David, shkaktuan reagime të shumta dhe një pjesë e njerëzve mendojnë se kjo duhet të jetë pak e sikletshme për ish-yllin e futbollit. Megjithatë, nga ana tjetër kjo gjë tregon se babë e bir kanë krijuar një lidhje shumë të ngushtë, aq sa tani duken më shumë si dy miq të mirë të njëri-tjetrit. /revistawho.com
