Një vogëlush me kaçurrela me plis në kokë, i veshur me veshje kombëtare dhe që mbështet Shqipërinë në ndeshjet e Euro 2016! Është kjo fotoja e tifozit të vogël shqiptar, Ken Krist, e cila bëri bujë në mediat shqiptare, por jo vetëm. Përveçse një vogëlush që e do vendin e tij dhe futbollin, duket se Ken Krist është një fëmijë që librat i ka pjesë të pandarë të tij. Kështu, në një kohë ku festat janë shumë pranë, vogëlushi bashkë me vëllanë e tij Harry Gjergj kanë marrë një dhuratë tejet speciale nga prindërit e tyre. Klev dhe Enela Lumshi kanë zgjedhur që për fëmijët e tyre këtë vit pema të jetë e veçantë: e ndërtuar e gjitha me libra, transmeton JetaOshQejf. Fotoja është publikuar nga prindërit e vogëlushëve, ndërsa këta të fundit janëulur në ambientin e shtëpisë së tyre teksa njëri po lexon, ndërsa i vëllai sheh në drejtim të kamerës. Duket se këta prindër kanë bërë zgjedhjen ideale për dhuratën e fëmijëve të tyre. Vërtetë për t’u marrë shembull!
