Kanë kaluar 12 vite që nga koha kur Malda Susuri, artistja e re u ngjit në skenën e ‘Top Fest’ dhe rrëmbeu zemrat e publikut me këngën ‘Dashuri e hidhur’.
Malda u prezantua me një stil shumë të veçantë në veshje, por edhe në mënyrën sesi shfaqej tek publiku.
Më pas Malda hodhi në treg disa produksione muzikore siç janë ‘Larg vetes’ apo ‘S’të kam afër’ të cilat rezultuan gjithashtu mjaft të pëlqyera.
Prej shumë kohësh artistja është shkëputur nga vëmendja e publikut. ‘Revistawho.com’ mëson se Malda aktualisht performon në disa ambiente muzikore në Kosovë, ndërkohë që paralelisht ushtron edhe pasionin e saj për dizajnin. Malda është pjesë e një kompanie ku drejton pikërisht departamentin e dizajnit.
Ajo vazhdon të ruajë të njëjtin stil në veshje dhe në dukjen e saj, një kombinim midis sportives dhe modernes./revistawho.com
