Një fustan i kuq me pika të bardha duket se asnjëherë nuk do të dalë mode. Me siguri të gjitha gratë duhet të kenë një fotografi të viteve të shkuara veshur me një fustan të tillë, që dikur cilësohej si një nga modelet më të bukura. Në fakt printi me pika gjithmonë i jep një pamje tjetër veshjes, prandaj ka qenë dhe është ende i preferuari i shumë vajzave. Këtë vit dhe këtë sezon vjeshte duket se ka një rikthim të këtij trendi kaq klasik dhe shumë stil në të njëjtën kohë. Mjafton një fustan i tillë me një model shumë femëror për t’u dukur bukur. Vajzat e njohura, jo vetëm në Shqipëri, e kanë përqafuar menjëherë këtë trend. Alketa Vejsiu, Armina Mevlani dhe së fundmi edhe Ajola Xoxa kanë veshur të njëjtin fustan, që sjell në kujtesë trendin më të bukur të viteve të shkuara.
Madje pak ditë më parë edhe Dukeshta Meghan Markle dhe Kate Middleton u komentuan gjatë në media për zgjedhjen e tyre të njëjtë të një fustani me ngjyrë të kuqe shumë të fortë dhe me pika. Prandaj vajza mos ngurroni të kërkoni nëpër dyqane një fustan të tillë ose nëse e keni në garderobë filloni menjëherë ta vishni. /revistawho.com
