Çështja e UFO-ve apo alienëve është një atraksion për shumë njerëz në mbarë botën, por nuk e dinin që edhe këngëtarja e njohur Demi Lovato qenka e fiksuar pas objekteve misterioze.
Së fundmi ajo ka rrëfyer se ajo pati “kontakte” me alienët gjatë një udhëtimi në Joshua Tree për ditëlindjen e saj të 28-të vitin e kaluar.
Këngëtarja e hitit “Melon Cake” tha për Entertainment Ëeekly se takimi me alienët ishte një përvojë e thellë dhe e jashtëzakonshme
Ja çfarë ka rrëfyer ajo:
Ne dolëm në shkretëtirë në Joshua Tree dhe unë pashë një rruzull blu që ishte rreth 15 metra larg, ndoshta më pak. Dukej sikur notonte mbi tokë diku te 3-4 metra dhe dukej sikur ishte duke mbajtur distancën nga unë,
Më tej ajo ka rrëfyer një episod tjetër të kontaktit të saj me alienët.
“Ne po shihnim yjet dhe u përpoqëm ta bënim këtë protokollin ku ju kontaktoni me alienët dhe befas diçka u shfaq drejtpërdrejt mbi ne në qiell”, tha këngëtarja.
“Ishin disa drita të mëdha që formuan një pikëpyetje, para se figura e ndriçuar të zhdukej. “Unë e kuptova se jeta ime ndoshta do të ndryshonte në një mënyrë shpirtërore, sepse kam një lidhje shpirtërore edhe me këtë udhëtim”.
Këngëtarja e nominuar për Grammy tha gjithashtu se ajo nuk ka frikë fare në krijimin e kontakteve me jashtëtokësorët, sepse “ndjenja që ju merrni nga këto qenie është aq e ngrohtë, e dashur dhe pranuese”, ka treguar artistja.
“Kur them të kontaktoni, unë thjesht nënkuptoj përpjekjen të qëllimshme për të medituar dhe për të shfaqur shikime,” ka sqaruar këngëtarja.
“Nuk është se në fakt, unë po shtrëngoj duart me këto qenie, edhe pse do ta dëshiroja shumë këtë. Unë mendoj se këto qenie janë jashtëzakonisht paqësore dhe të dashura dhe ju mund ta ndjeni këtë gjë.
Sipas Lovatos, disa nga këto qënie kaq të brishta e të dashura tashmë jetojnë mes nesh dhe kujdesen për punët tona, kryesisht ato që kanë të bëjnë me planetin. Në fakt nuk e ka keq Lovato që e ka humbur besimin tek njeriu. Vetëm alienët mund ta shpëtojnë këtë botë!/revistawho.com
