Në qoftë se ka diçka që e karakterizon ish-basketbollisten Suada Sherifi, janë flokët e gjatë dhe të shëndetshëm. Që në daljet e saj të para Suada nuk ka eksperimentuar shumë me ngjyrën e flokëve, ndoshta kjo është edhe arsyeja kryesore përse ajo vazhdon të ketë flokë të shëndetshëm dhe të pa dëmtuar.
Ndërkoh që ish-Missi ka ndarë me ndjekësit e saj në rrjetet sociale një recetë për trajtimin e flokëve në kushte shtëpie pa shumë shpenzime dhe pa produkte që përmbajnë kimikate. Nga fotografia që ajo ka publikuar dallohen qartë përbërësit e maskës për forcimin e rrënjës së flokëve.
Një detaj tjetër që bie në sy është fakti se tani Suada është mami dhe ato pak minuta që do t’i kushtojë vetes, është dikush që i bënë rrëmujë në shtëpi, vajza e saj e vogël Deizi.
“Çfarë do të bëja unë pa rrëmujën e saj”- ka shkruar juristja ndërkohë që vogëlushja duket me një tenxhere në dorë.
Aktualisht Sherifi është shkëputur nga bota e televizionit për t’ju përkushtuar biznesit dhe profesionit si juriste.\revistawho.com
