Të gjithëve na pëlqeu sesi dukej Alketa Vejsiu me flokët e shkurtra. Pas shumë vitesh prezantuesja u shfaq me një ndryshim kaq të dukshëm në pamjen e saj, pasi prej shumë kohësh ajo ka zgjedhur të mos eksperimentojë me modelin e flokëve apo me gjatësinë e tyre.
Në një prej puntatave të emisionit “Në Kurthin e Piter Pan” Alketa u shfaq shumë ndryshe, me flokë të prera shkurt që i shkonin shumë portretit të saj.
Por Revistawho.com e ka fotografuar prezantuesen ditën e sotme në një prej lokaleve të kryeqytetin, ku shihet me flokë të gjata, të kapura bisht.
Ndërkohë që shijonte një kafe nën shoqërinë e këngëtares Eli Fara, e veshur sportive, dukeshin qartë flokët e gjata bjonde.
Alketa duket se i ka shumë merak flokët e gjata dhe nuk e ka marrë guximin t’i presë.
Ato që shohim çdo javë në ekran janë paruke, të cilat i shkojnë shumë dhe duken shumë natyrale.
Po të shohim me vëmendje fotot që prezantuesja ka publikuar nga momentet e provave, pasi u shfaq në transmetim me pamjen e re, dallohen qartë se flokët vazhdon t’i ketë të gjata.
Ndërkohë mësohet se e ftuara e radhës “Në kurthin e Piter Pan” do të jetë këngëtarja Eli Fara./Revistawho.com
