Problemi me aknet është diçka vërtet shqetësuese, por edhe shenja që ato lënë pas trajtimit është një shqetësim më vete. Këto shenja të bezdisshme shpesh mund të marrin shumë kohë për t’u zhdukur, megjithatë ka një rrugë që mund të ndiqni për t’i hequr qafe.
Asnjëherë mos shmangni kremin që u mbron nga dielli. Duke u ekspozuar në diell, shenjat e akneve do të duan një kohë më të gjatë për t’u zhdukur. Pa mbrojtjen nga dielli këto shenja mund të kthehen lehtësisht nga të kuqe, në kafe.
Investoni në produktet duhura për kujdesin e lëkurës. Duhet të shikoni për produkte të cilat kanë përbërës që ndihmojnë në rinovimin e lëkurës suaj.
Fokusohuni tek Vitamina C. Kjo vitaminë mund të jetë një mrekulli e vërtetë për lëkurën tuaj. Ajo ndihmon për të luftuar radikalet e lira dhe zhduk shenjat në lëkurë.
Konsultohuni me një dermatolog. Nëse e shikoni se asnjë nga mënyrat që keni provuar nuk funksionon duhet të shkoni patjetër tek një dermatolog. Ka trajtime të ndryshme, të cilat specialistët e fushës i përdorin për t’i hequr qafe shenjat e akneve. /revistawho.com
