Gazetarja e njohur, Mira Kazhani ka reaguar sot ndaj një postimi thumbues të aktorit të humorit, Julian Deda. Gjithçka ka nisur me një shkrim nga Kazhani për protestën e djeshme të Astirit. Pas këtij shkrimi, Jul Deda e quajti Kazhanin “gazetaruçe populiste” në një publikim të tijin në ‘Facebook’. “Kësaj gazetaruçes populiste, që protesta e banorëve të Astirit i duket dështim, gjejini një burrë të qetësohet se gjynah”. Kësaj deklarate Kazhani ia ktheu aktorit në po të njëjtën mënyrë: “I dashur Juli. Është e vërtetë që nuk kam akoma një burrë. Më sa shoh, as gruaja jote nuk ka”. Na mbetet të presim për të parë nëse do të ketë një reagim më tej nga ana e Julit.
