Sot duket se është një ditë mjaft speciale për aktorin e njohur të humorit, Jul Deda dhe bashkëshorten e tij. Çifti feston 15-vjetorin e martesës dhe ky moment nuk ka kaluar pa një dedikim nga ana e Julit. Ai ka publikuar një foto krah bashkëshortes, teksa ndodhen në kishën ku kanë kurorëzuar dashurinë.
“Këtu, në këtë kishë të vogël në Shkodër, 15 vjet më parë i thamë PO njeri tjetrit. U betuam që do krijonim familjen tonë të bukur dhe se do ta donim dhe ta respektonim njeri tjetrin deri sa vdekja të na ndajë. Sot, vazhdojmë rrugëtimin tonë të bekuar dhe premtoj se do ta përfundojmë ashtu siç u betuam, bashkë deri në frymën e fundit.
P.s. Ju dua shumë znj. Deda…! ?”, shkruan aktori. Ky dedikim me siguri e ka emocionuar shumë bashkëshorten e Julit, e cila i ka bërë atij dy dhuratat më të vyera, djalin dhe vajzën.
https://www.instagram.com/p/CEtV1GyFgNe/?igshid=cuymayjjixpg
