Mbrëmjen e djeshme në ekranin e ‘Top Channel’ ka startuar emisioni ‘Fiks Fare’. Dy moderatorët e rinj, Devis Muka dhe Dorian Ramaliu kanë tërhequr gjithë vëmendjen e publikur duke shkëmbyer një puthje në buzë përpara kamerave. Duket se aktori i humorit Jul Deda nuk është dakort me diçka të tillë që bëhet për të fituar famë. Ai ka reaguar në këtë mënyrë:
Dy çuna që puthen në buzë vetëm për t’u bërë të famshëm, vetëm për të fituar pak audiencë për një emision televiziv, mund t’i quash ose të përdorur deri në fyerje ose mediatikisht të mjerë. Nuk fitohet popullariteti duke i futur llapën shokut, më besoni për këtë. Ai fitohet me seriozitet dhe mbi të gjitha me shumë, shumë djersë të derdhur në punë. Ju lutem shumë o çuna, mos lejoni askënd, as drejtorët, as pronarët qe t’ju përdorin në këtë mënyrë. Është gjynah, që njerëzit që kanë lekun të mendojnë për aktorët se janë ca budallej, me të cilët mund të bësh gjithçka vetëm për pak audiencë. Mos ja lejoni vetes një gjë të tillë, nuk është nevoja. Publiku ju do më shumë nëse i dilni përpara me personalitet dhe pa hile.
