17 maji njihet në mbarë botën si dita kundër homofobisë dhe transfobisë, gjatë së cilës organizohen evente të ndryshme për mbrojtjen e të drejtave të këtyre personave që i përkasin këtij komuniteti. Prej 4 vitesh tashmë edhe në Shqipëri të gjithë këta persona në një marshim paqësor në kryeqytet kërkojnë të drejtat e tyre. Në fakt kësaj radhe në vendin tonë, pati një ndryshim, sepse parada e komunitetit ‘LGBT’ u zhvillua ditën e sotme dhe jo në 17 maj.
Kësaj parade ju bashkuan dhe shumë personazhe të njohur si mbështetje për komunitetin ‘LGBT’. Megjithatë ka dhe nga ata që e shprehin hapur mospëlqimin e tyre për këtë çështje. Njëri prej tyre është edhe Julian Deda, i cili me anë të ‘Instagram’-it ka preferuar të flasë hapur kundër paradës. “Kujdes! Largoni fëmijët nga Bulevardi. Ka paradë dhe mund të marrin goditje psiqike. Ruajini fëmijët nga manifestimet e këtij lloji. Mësojini atyre, ngulitjani mirë në kokë se familja tradicionale duhet ruajtur me çdo kusht dhe se çdo gjë tjetër është lajthitje”, – ka shkruar Juli.
Duhet thënë në fakt se kjo çështje ka ngjallur shumë debat që në momentin e parë kur është kthyer shpeshherë në një temë kryesore në media dhe jo vetëm. /revistawho.com
