Prej vitesh aktori Julian Deda është shkëputur përfundimisht nga ‘show’-i humorit ‘Portokalli’ dhe përpara pak kohësh ai pati dhe një ‘debat’ me regjisorin e këtij spektakli, Altin Bashën. Me anë të një statusi Juli i drejtoi një pyetje Altin Bashës, se si ka mundësi që janë larguar kaq shumë aktorë nga ‘Portokalli’ e kanë fajin ata apo vetë Altini?
Juli ishte i ftuar në emisionin ‘Një kat më lart’ ku ka folur për çdo gjë që ka ndodhur me karrierën e tij gjatë këtyre viteve. I pyetur nëse i ndjek spektaklet e humorit, përveç ‘Apartamenti 2XL’ ku ai punon për momentin, Juli tregoi se ‘Portokalli’-në nuk e ka ndjekur që nga largimi i tij. Gjithashtu përpara pak javësh Juli ishte i ftuar në emisionin ‘Shiko kush luan’ që u transmetua në ‘Top Channel’ dhe ai ka treguar se rikthimi i tij në këtë televizion i dha një ndjesi të mirë. I pyetur nëse do të punonte përsëri në ‘Top Channel’ aktori është shprehur: “Kurrë mos thuaj kurrë, sepse ‘Top Channel’ është institucion si çdo televizion tjetër është kënaqësi të punosh në çdo vend, jetës nuk i dihet karriera është e gjatë.” /revistawho.com
