Viti 1996 ishte një periudhë shumë e madhe ndryshimi për shqiptarët. Menjëherë pas prishjes së sistemit ata u dyndën për të kaluar kufijtë me idenë për të pasur kushte më të mira jetese. Vala e këtyre largimeve ka prekur edhe familjet e shumë artistëve, një ndër ta është edhe Julian Deda. Në një foto të publikuar pak minuta më parë ai tregon me nostalgji për momentet e vyera dhe mënyrën si e sheh fenomenin e emigrimit pas kaq shumë vitesh.
“Nostalgji. Si shumë shqiptarë edhe familja jonë ka provuar shijen e mirë dhe të keqe të emigracionit. E keqe sepse ndryshe nga sot ne atë kohë ishte shumë e vështire të vije e të shkoje sa herë të duash për të parë të afërmit dhe kjo kthehej në një stres të paparë për çdo emigrant të asaj kohe. Nga ana tjetër ishte e mirë sepse eksperienca e fituar në tokë të huaj është leksion i madh për jetën.
P.s. Në foto është momenti i kthimit në atdhe. Të veshur me kostume, se ashtu ishte koha atëherë, kur hipnim në avion duhej të vishnim rrobat më të mira që kishim,”- shkruan Juli.
Në këto foto vihet re edhe ndryshimi në pamjen e aktorit, i cili shfaqet me disa kilogramë më pak.
