Dy aktorët e njohur shqiptarë, Gentian Zenelaj dhe Julian Deda pavarësisht se dikur kanë qenë të pandarë, marrëdhëniet e tyre u ftohën derisa nuk folën më për një kohë të gjatë. Arsyeja e këtij konflikti ishin ndryshimet e televizioneve dhe debatet për grupin SHBLSH.
Së fundmi ata u shfaqën bashkë ne filmin e Ermal Mamaqit “I love Tropoja”, ku nga aty kuptuam se Genti dhe Juli i kishin dhënë fund hatërmbetjeve.
I ftuar mbrëmjen e djeshme në emisionin “Në kurthin e Piter Pan” Julian Deda për herë të parë na tregoi se përse u pajtua dhe gjithashtu ai dha një mesazh për të gjithë ata që janë në të njejtën situatë.
Ai tha se me miqtë e vjetër duhet të gjesh gjithnonë një mënyre pajtimi dhe se nuk ja vlen të mbash inat.
“Hera e parë që më pyesin përse u pajtuam. E bëmë për shkak të miqësisë së vjetër dhe dashamirësisë për njëri-tjetrin. Ky është një shembull që duhet të ndjekin të gjithë sepse të mos flasësh me mikun e ngushtë është humbje kohe”, tha Juli.
