Prej disa muajsh është bërë i ditur lajmi se “Apartamentin 2xl”, i cili u transmetua për vite me radhë në “Vizion Plus’, tanimë do e shohim në “Tv Klan”. Kalimi ishte mjaft i bujshëm pasi askush nuk e priste që një staf i tërë të bëjë një lëvizje të tillë.
Në një intervistë për emisionin radiofonik “KafeIn”, Julian Deda tregoi për herë të parë se si e priti kalimin dhe a ka hatërmbetje mes dy televizioneve.
“Ka qenë kalim mjaft i qetë. Besoj i kishte ardhur koha të ndryshonim televizionin, por edhe emrin e emisionit. Formula do të jetë e njëjtë, nuk ka ndryshime, logjikisht do të jetë njësoj por emri do të ndryshojë për shkak riformatimi dhe ne ende nuk e kemi vendosur si do e quajmë. Është gjithmonë kënaqësi të rikthehesh aty ku ke qenë më parë. Në “Klan” rikthehem pas 9 vitesh”,- është shprehur Juli./revistawho.com
