Një natë më parë u shpall fituesja e Festivalit të RTSH-së, e cila është Arilena Ara. Megjithatë një nga pretendentet kryesore për ta fituar ishte pa dyshim Elvana Gjata, e cila me këngën dhe performancën e saj fitoi edhe një herë tjetër zemrat e publikut. Ka qenë Julka ajo që pas festivalit i ka dedikuar disa fjalë asaj. “Energjia vetë! Në një garë patjetër që ka vetëm një fitues, që këtë vit shpresoja të ishte ti! Nuk isha e vetmja që kisha një dëshirë të madhe për të pasur një këngë NDRYSHE dhe për mua ajo ishe ti! Më tha dikush (pasi më ofendoi për dëshirën e mësipërme dhe bërjen me dije të diçkaje që nuk më pëlqeu sot) “Hë mi ku e ke Elvanën”? Dhe ja ku po ja jap përgjigjen…Elvana është aty ku ka qenë gjithmonë, në skenë duke dhënë shpirtin, duke dhuruar momente të lumtura për të gjithë e këngë që nuk ka njeri të mos i këndojë njëzëri, duke dhuruar çdo here hite (dhe këtu mund të numëroni shumë të tillë). Keep rocking girl”, shkruan Julka. Kujtojmë se Elvana u rendit në vend të dytë, ndërsa në vendin e tretë Sara Bajraktari me “Ajër”.
https://www.instagram.com/p/B6Zl4NchgFX/?igshid=1ka6e8ieli59y
