Këngëtarja Julka ka reaguar pas incidentit mes kantautorëve Flori Mumajesi dhe Stine. Ajo e ka gjykuar si të shëmtuar gjestin e Stines duke theksuar se i kishte lënë një shije shumë të keqe:
“Sa u surprizova (për mirë) kur Stine vlerësoi Florin me pikë… Por sa shumë u pikëllova kur mora vesh mbi xhestet e tij… Me fjalë të vogla ndjej NEVERI!!! Ai surprizimi për mire u shumëzua me zero… Mund të kishte dalë nga kjo gare si Zotëri duke lënë një shije shumë të mirë… Merruni me artin tuaj o njerëz, shprehini ndjenjat nëpër krijimet tuaja, ndriçoni në atë që bëni, pranoni me përulesi opinionet ndryshe nga i juaji e boll bëtë episode kaq të shëmtuara duke vënë në rrezik jetët tuaja dhe të të tjerëve… Apo kur kemi skena të tilla në Parlament thuaj në çdo fushe përligjet automatikisht???”,-shkruan Julka.
Pak minuta pasi përfundoi nata finale e festivalit, Stine dhe Flori janë zënë për shkak të pikëve që ky i fundit sipas Stines nuk i kishte dhënë të duhura. Kaq mjaftoi që Stine t’i gjuante Florit me shishe duke e dërguar në spital.
