Justin Bieber ka rënë pre e kritikave të shumta nga ana e ndjekësve të tij për shkak të një veprimi të pamenduar. Këngëtari ka ripostuar në ‘Instagram-in’ e tij një foto të reperit Diddy ku shfaqej përkrah bashkëshortes së ndjerë. Menjëherë pas kësaj fansat janë shprehur të mërzitur, që Justin edhe në këtë rast nuk ka ngurruar të promovojë linjën e tij të veshjeve.
“Fshije këtë, ai e ndau foton për të kujtuar gruan e tij, jo për reklamë të linjës së veshjeve”, – ka shkruar dikush në sesionin e komenteve. Justin i ka rënë në sy komenti dhe ka vendosur t’ju përgjigjet të gjithë atyre që e kanë krtikuar. “Je gabim. Zoti e di çfarë zemre kam. Unë i njoh ata dhe familjen e tyre, mos më thoni që nuk po tregohem i respektueshëm. Unë kam gjithë respektin për ta, nuk e vura re se ishte një foto në nder të Kim dhe e respektoj totalisht këtë gjë, por respektoj edhe këtë foto që është kaq e bukur. Është e lehtë të vlerësosh artin, fotografitë janë art dhe siç duket ai ka një veshje identike me linjën time të veshjeve dhe mendova se kjo ishte diçka shumë e bukur”, – është përgjigjur Justin.
Megjithatë pavarësisht komenteve negative të fansave, vetë Diddy nuk ka reaguar ende në lidhje me këtë çështje. Justin ka rënë shpesh pre e kritikave të ndjekësve të tij, por ai ka ditur gjithmonë si të reagojë dhe të mbrojë idetë e tij. /revistawho.com
