Përpara pak kohësh Justin Bieber u shfaq në Miami së bashku me modelen e njohur Hailey Baldwin. Në fillim të gjithë menduan se ishte një takim thjesht miqësor, por disa fotografi të të dyve të kapura pak ditë më vonë, filluan të ngrinin dyshime se të dy kanë nisur një marrëdhënie.
Por mesa duket kjo gjë nuk i pëlqen aspak ishit të Bieber, Selena Gomez. Një burim shumë i afërt i Selenës ka thënë për “Hollywood Life” se ajo e ka shumë të vështirë ta pranojë këtë fakt. “Selena është e vetëdijshme se Justin dhe Hailey kanë filluar të dalin bashkë. Ajo ka ende ndjenja për Justin, pavarësisht çdo gjëje që ka ndodhur. Është shumë e dhimbshme për të, të shikojë se ai është rikthyer sërish me Hailey. Ajo nuk është më me Justin dhe ai është i lirë të bëjë dhe të shikojë ç’të dojë”, – ka thënë ky burim.
Megjithatë edhe vetë Hailey nuk është e sigurt për lidhjen me këngëtarin, sepse ka frikë se shumë shpejt ai mund ta lërë edhe modelen. /revistawho.com
