Justin Bieber kthen problemet e jetës në art, përgatit surprizën për fansat e tij

Pak ditë më parë Justin Bieber ndau me fansat një nga shqetësimet e tij më të mëdha. Ai tregoi se nuk ndihej aspak mirë dhe u kërkoi të gjithëve që t’i luteshin Zotit për të. Pavarësisht se kjo nuk është një periudhë e mirë për këngëtarin, duket se Justin po mundohet që të gjitha problemet e jetës t’i kthejë në art. Një burim ka zbuluar për ‘Hollywood Life’ se Justin po punon në fshehtësi për albumin e tij të pestë. “Justin po punon albumin e tij në studio dhe kjo gjë po e ndihmon shumë. Pa dyshim ai ka qenë duke punuar për gjëra të reja dhe shumë nga çështjet e jetës së tij po i kanalizon në art. Ai e dashuron punën e tij dhe bashkangjitur dashurisë për Hailey-n e ka mbajtur të fortë gjatë këtyre ditëve të vështira”, – ka thënë burimi për ‘Hollywood Life’. Javë më parë Justin ka treguar se të gjitha probleme vijnë prej faktit se ai e ka shumë të vështirë t’i besojë vetes dhe se ka marrë shumë vendime të këqija gjatë jetës. /revistawho.com