Justin Bieber është një ndër këngëtarët më të komentuar në mbarë botën, për shkak të lidhjeve të tij të dashurisë apo skenave të pahijshme. Pas një rikthimi me Selena Gomez, Justin hoqi përsëri dorë prej saj dhe tani ka vendosur të shijojë për pak kohë jetën i vetëm. Ditën e djeshme ai është fotografuar i veshur thjesht me babain dhe vëllain e tij. Justin dukej shumë i lumtur që kishte mundësinë të shpenzonte pak kohë pranë familjes.
Madje ai është parë duke i dhuruar një përqafim të fortë vëllait 8-vjeçar. Mesa duket nga fotografitë Justin ka marrë pak nga babai i tij, duke qenë se dhe ai duket shumë modern i veshur sportiv dhe me krahë të mbuluar nga tatuazhet.
Pasi kanë drekuar me njëri-tjetrin Justin është larguar së bashku me vëllain me një ‘Lamborghini’. Gjithashtu përpara pak ditësh Justin është fotografuar me disa peshkatarë duke biseduar me ta. Kjo do të thotë se ndoshta tashmë ai është rritur, është më i pjekur dhe preferon të nxjerrë në pah edhe anën e tij njerëzore. /revistawho.com
