Shpesh herë jeta e personazheve të njohur të ‘showbizit’ duket sikur është perfektja, ajo të cilën do të donte çdokush të jetonte. Por disa prej tyre e kanë treguar hapur se nëse do të ktheheshin pas në kohë nuk do të kishin zgjedhur të bëheshin të famshëm. Shembulli që duhet të përcjellin tek fansat e tyre i detyron të tregojnë një jetë që mbase nuk janë duke e shijuar.
Një mesazh i fortë vjen dhe nga këngëtari më në zë i momentit Justin Bieber, i cili njihet për jetën luksoze. Nëpërmjet një postimi në ‘Instagram’ ai ka treguar se jeta që personazhet e njohur tregojnë në rrjetet sociale nuk është gjë tjetër veçse një mashtrim.
“Përshëndetje botë. Ajo jeta e mrekullueshme që shihni të portretizuar nga personazhet të famshëm në ‘Instagram’, në të vërtetë nuk është më e mirë se e juaja. Mos u mashtroni”,- ka shkruar këngëtari. /revistawho.com
