Sarah, 25 vjeç, nga Telfordi ka pranuar se ka shpenzuar 14,000 paund duke iu nënshtruar një sërë operacionesh plastike për të pasur një trup prefekt si kukulla Barbie.
Ajo ka kryer ndërhyrje në faqe, buzë dhe gjoks dhe mori disa hua për të paguar procedurat. Vajza thotë se nuk e ka problem nëse duhet të hyje akoma dhe më thellë në borxhe për të arritur pamjen që ajo dëshiron.
“Barbie është një vajzë perfekte. Ajo ka këmbë të gjata, një bel të hollë dhe të pasmet e saj janë të përkryera, hunda e saj është e kthyer, dhëmbët e saj janë të bardhë dhe është bionde me sy blu”, tha ajo gjatë një interviste.
Sarah tha se do bënte heqje dhjami ose liposuction në kofshët e saj për t’i bërë ato të duken sa më të holla dhe do bënte ndërhyrje në të pasmet e saj për t’i bërë sa më të dukshme.
Ajo tha se këto ndërhyrje e bënin atë të ndihej më mirë rreth vetes së saj megjithëse i dashuri i saj pëlqente më shumë pamjen e saj natyrale./tvklan.al
