Aktori i njohur dhe mjaft i dashur për publikun, Salsano Rapi, ka ndarë së fundmi mendimet e tij për reality show-n më të famshëm në Shqipëri, “Big Brother VIP”. Gjatë një interviste për emisionin “Pushime On Top” me Lei Krajën, ai u tregua i sinqertë për raportin e tij me këtë format.
Edhe pse pranoi se ka diçka tërheqëse në atë që ndodh brenda mureve të shtëpisë më të komentuar në vend, Salsano nuk e sheh veten si pjesë të këtij programi. “Reality show është shumë intrigues, ‘Big Brother’ se atë duan të gjithë. E kam thënë edhe herë tjetër se të intrigon shumë kur e sheh dhe do të bëhesh pjesë për shkak të gjitha dinamikave që ka aty, por nuk do hyja në ‘Big Brother’ se kam shumë gjëra të tjera të bëja në jetë se sa një reality show,” tha ai me plot bindje.
Ndërsa për mundësinë e drejtimit të këtij show, ai është edhe më i prerë: “Nuk besoj se jam format i reality show-t,” tha ai, duke nënvizuar se preferon të qëndrojë larg botës së reality-t, si pjesëmarrës apo si prezantues.
I pyetur me humor se kush do të fitonte nëse turneu veror i “Portokallisë” do të ishte një reality show më vete, Salsano u tregua modest dhe me sens humori:
“Çmimin do e merrte regjisori se është lodhur shumë për turneun me thënë të drejtën. Ai që nuk duhet të jetë në turne, unë, se duhet të marr disa ditë pushime, se mosha bën të veten dhe pak ditë dal në pension.”
Kur moderatorja e pyeti nëse kjo do të thoshte se do të eliminohej i pari, ai e pranoi pa hezitim:
“Po.”
E duket se për momentin, Salsano Rapi ka shumë më tepër në axhendë sesa të mbyllet në një shtëpi me kamera. Ai mbetet i fokusuar tek projektet e tij artistike dhe turneu i “Verë dhe Portokalle” që vazhdon të mbledhë publik të madh në çdo qytet.
Një gjë është e sigurt – edhe jashtë “Big Brother-it”, Salsano di si të jetë në qendër të vëmendjes.
