Edhe pse e përshkroi Princin William si një “burim të madh ngushëllimi” mes betejave të vazhdueshme shëndetësore, Kate Middleton i njoftoi botës diagnozën e saj të kancerit pa burrin e saj në krah. Sipas një “burimi nga pallati” që foli së fundmi me People, kjo ishte një zgjedhje e qëllimshme e bërë nga Princesha e Uellsit.
“Është një mesazh nga princesha për shëndetin e saj dhe ajo donte që personalisht ta dërgonte mesazhin vetë”, tha burimi. Kjo përputhet me një raport të mëparshëm se princesha mori kontrollin e plotë mbi njoftimin e saj, duke zgjedhur të shkruante “çdo fjalë vetë”.
Ndërkohë, burimi thotë se Princi William është “përqendruar që gruaja e tij të ketë privatësinë që i nevojitet për ta rikuperuar plotësisht dhe që fëmijët e tij të mbrohen nga interesi i kuptueshëm për lajmet që janë shpërndarë”. Sipas burimit të People, “William është jashtëzakonisht krenar për gruan e tij për guximin dhe forcën që ajo ka treguar jo vetëm këtë javë, por që nga operacioni i saj në janar”.
