Pas aludimeve për ndarje, për herë të parë bashkëshortja e Erik Lloshit ka folur publikisht për marrëdhënien e tyre në “Fan Club”. Ajo mohoi çdo krizë në çift, por pranoi se një pjesë e zërave që qarkulluan ishin të vërteta, pasi u acarua jo pak kur Eriku vendosi të bëhej pjesë e këtij formati.
“Nuk ka ndarje! E vërteta është që po, unë nuk kam qenë kurrë dakord që ai të futej në ‘Big Brother’”, u shpreh ajo.
Më tej, ajo shpjegoi edhe arsyet e këtij kundërshtimi, duke folur hapur për karakterin e këngëtarit:
“Eriku ka pak temperament të vështirë. Është shumë gjaknxehtë, sepse gjërat i merr shumë afër zemrës dhe i përjeton shumë. Kjo ka qenë një ndër arsyet që i kam thënë të mos futej në ‘Big Brother’, sepse loja aty është një lojë shumë e fortë psikologjike, ku njerëzit do luajnë të gjithë kartat e mundshme, të familjes, të jetës personale, çdo gjë.”
