Në analizat astrologjike, periudha e parë e “Merkurit Retrograde” për vitin 2026 përshkruhet si një tranzit që zhvendos fokusin nga veprimi drejt reflektimit, duke theksuar se energjia e tij “të kërkon të rishikosh mënyrën si komunikon, mendon dhe lëviz përpara”. Në vend të alarmit, astrologët e shikojnë këtë fazë si një korrigjim të rrugëtimit, një kohë kur projektet e vjetra, marrëdhëniet e pambyllura dhe vendimet e nxituara rikthehen për qartësi të re. Por si përkthehet kjo për çdo shenjë?
Dashi ndien tension mes impulsit dhe durimit. Sugjerohet që kjo periudhë të përdoret për të rishikuar vendimet profesionale dhe mënyrën si reagojnë në konflikt, duke shmangur reagimet e menjëhershme.
Demi fokusohet te stabiliteti, financat, shtëpia dhe vlerat personale rikthehen në vëmendje, ndërsa retrogradi kërkon të dallohen nevojat reale. Është një kohë për të riorganizuar prioritetet materiale dhe emocionale.
Për Binjakët, shenjë e sunduar nga Merkuri, retrogradi prek identitetin dhe mënyrën e shprehjes. Astrologët theksojnë se komunikimi mund të keqinterpretohet, por njëkohësisht hapet hapësirë për të riformuluar projekte personale.
Gaforrja përjeton rikthim emocional. Temat familjare dhe kujtime të së kaluarës kërkojnë përpunim, duke e kthyer këtë tranzit në një proces shërimi të heshtur.
Luani rishikon pozicionin publik dhe marrëdhënien me suksesin. Pra, imazhi publik dhe drejtimi i karrierës, janë në fokusin e tyre në këtë periudhë.
Virgjëresha, gjithashtu e sunduar nga Merkuri ftohet të ngadalësojë rutinat dhe të riorganizojë shëndetin, punën dhe pritshmëritë ndaj vetes.
Peshorja përjeton reflektim në partneritete. E rëndësishme është që të mos merren vendime përfundimtare në dashuri, pasi retrogradi nxjerr në sipërfaqe dinamika që kërkojnë kohë.
Akrepi përballet me transformim të brendshëm, veçanërisht në zakone, intimitet dhe kontroll emocional.
Shigjetari rishikon drejtimin e karrierës dhe planet afatgjata, shpesh duke rikthyer ide të braktisura.
Për Bricjapin, tranziti prek strukturën e jetës, mënyrën si ndërton stabilitetin dhe marrëdhënien me përgjegjësinë.
Ujori hyn në një fazë rishikimi të ideve dhe projekteve kolektive, theksi te rëndësia e fleksibilitetit dhe bashkëpunimit.
Ndërsa Peshqit, shenja ku zhvillohet ky retrograd, përjetojnë procesin më personal. Identiteti, kufijtë dhe intuita vihen në qendër të vëmendjes, duke e kthyer periudhën në një reflektim mbi drejtimin e jetës.
Mesazhi përmbyllës mbetet i qartë, retrogradi nuk është paralizë por pauzë krijuese. Kjo energji “të kërkon të ngadalësosh që të dëgjosh veten”, duke e vendosur Merkurin retrogradë, si një kapitull tranzicioni, një periudhë ku gabimet bëhen udhërrëfyes dhe rikthimet shndërrohen në mundësi për të rishkruar historinë personale.
