Cubi përpos aktore në spektaklin e “Klanifornias”, është rikthyer edhe në teatër. Së fundmi ajo luan rolin kryesor në shfaqjen “Kukulla”, rol për të cilin e ftuar në “Abc-ja e mëngjesit”, tregoi se ka bërë disa muaj palestër për t’iu përshtatur personazhit.
“Kam 6 muaj që bëj palestër për këtë rol. Pas katër vitesh rikthim në teatër, shfaqja e fundit ka qenë në Teatrin Kombëtar. Kisha shumë emocione, një ndjesi të çuditshme, më dukej sikur dilja për herë të parë në skenë. E kisha harruar pak impaktin me publikun”, tregoi Cubi.
Duket se dashuria për teatrin do e bënte Cubin që një ditë të mendonte edhe largimin nga “Klanifornia”.
Kur u pyet nga moderatorinëse do ta linte “Klanifornian” për teatrin, aktorja u përgjigj: “Pse jo, nuk i dihet asnjëherë”.
