Genc Prelvukaj ka sjellë gjithmonë videoklipe të kuruara në detaje dhe një pjesë të madhe prej tyre ka zgjedhur t’i xhirojë në disa nga destinacionet më të bukura të Shqipërisë. Siç duket pas këtij vendimi të këngëtarit fshihet një arsye e fortë që ka të bëjë pikërisht me promovimin e vendit. Genci ka publikuar në ‘Instagram’ një foto të shkëputur nga njëri prej videoklipeve të tij dhe më pas ka treguar pse ka zgjedhur vitet e fundit vetëm Shqipërinë.
“Shumica e videoklipeve të mia të viteve të fundit janë xhiruar në vendet më të mira të shqiptarëve si Divjakë, Peshkopi, Mirditë, Plavë, Prishtinë, Kukës, Shkodër, Durrës etj. Në to kryesisht pasqyrohet vendet e bukura dhe kjo gjë përveç se i jep ngjyrë videoklipit ndikon edhe në promovimin e tyre, ky është një prej qëllimeve kryesore pse i bëj në atë formë. Shqiptarët kanë shumë vende të bukura dhe para se të eksploroni shtetet e tjera dhe kontinentet e tjera sigurohuni që i keni konsumuar këto që i kemi”, – ka shkruar këngëtari. Në këtë mënyrë Genci ka arritur t’i bëjë videoklipet e tij shumë të veçantë, por edhe të transmetojë një mesazh shumë të mirë tek shqiptarët dhe jo vetëm. /revistawho.com
