Modelja Hailey Bieber ka reaguar ndaj krahasimeve të vazhdueshme që bëhen mes saj dhe këngëtares Selena Gomez, ish-partneres së bashkëshortit të saj, Justin Bieber.
Në një intervistë për revistën “WSJ Magazine”, Hailey theksoi se nuk e sheh veten në garë me askënd dhe se ndjen shqetësim kur njerëzit përpiqen ta përfshijnë në një “rivalitet” me gra të tjera.
“Është gjithmonë bezdisëse të të detyrojnë të konkurrosh me njerëz të tjerë. Unë kurrë nuk e kam kërkuar këtë. Kur njerëzit duan të të shohin në një mënyrë të caktuar dhe kanë krijuar tashmë një histori për ty në mendjet e tyre, nuk mund ta ndryshosh atë”, – tha ajo.
Hailey shtoi se nuk ndjen konkurrencë me njerëz që “nuk e frymëzojnë” dhe se fokusohet vetëm në rritjen personale dhe projektet e saj profesionale.
