Atmosfera në studion e emisionit “E Diell” u bë e tensionuar pas një momenti që askush nuk e priste. E ftuara speciale, Kader Kicaj, po fliste me qetësi për jetën e saj personale, kur gjithçka mori një kthesë të papritur. Ajo tregoi se është në një fazë të qetë dhe të lirë në jetën e saj:
“Jam shumë mirë, jam në paqe, jam single,” tha ajo duke buzëqeshur.
Por ndërhyrja e Xheneta Fetahut, një tjetër pjesëmarrëse në panel, ndryshoi atmosferën. Ajo solli në diskutim emrin e ish-partnerit të Kaderit, Lumbardhin, me të cilin publiku është njohur nga “Big Brother VIP Kosova”.
Sipas Xhenetës, pas përfundimit të reality show-t, disa ish-banorë kanë nisur ta kontaktojnë në rrjetet sociale, përfshirë edhe Lumbardhin. “Më ka bërë follow dhe më ka ngacmuar, por unë e refuzova nga respekti për Kaderin,” tregoi ajo, duke theksuar se mes tyre nuk kishte pasur asnjë afrimitet më parë.
Kjo deklaratë duket se preku Kaderin, e cila reagoi menjëherë dhe e kërkoi me vendosmëri që biseda të ndërpritej:
“A ka mundësi ta ndërpresim këtu këtë muhabet? Nuk kam ardhur të flas për ex-at,” tha ajo me një ton të ftohtë, përpara se të ngrihej dhe të largohej nga studioja.
