Kalojmë kufijtë e imagjinatës

Një botë me kaq shumë sfida, mure, apo ndasi dhe njëkohësisht me kaq shumë mundësi për t’u lidhur me njerëzit që kemi përzemër. Jetojmë në epokën e teknologjisë, ku shkëmbejmë informacion të pafundëm. Në botën e sotme, ku lidhja me rrjetet e internetit është një domosdoshmëri, cilësia e tij duhet të jetë e garantuar. Kompanitë e Grupit Deutsche Telekom rezultuan më të mirat në shumë testime, veçanërisht gjatë tremujorit të fundit të këtij viti. Ato janë vlerësuar për rrjetin më të mirë, performancën më të mirë, si edhe cilësinë më të mirë. Në secilin vend është testuar cilësia e transmetimit të zërit dhe të të dhënave nga të gjithë operatorët përkatës. Ndërkohë që rritet vazhdimisht prezenca jonë online, ku vetëm gjatë vitit 2017 kemi qëndruar mesatarisht 135 minuta të lidhur, besueshmëria tek rrjeti është thelbësore. Nga testimet e kryera në rang ndërkombëtar, performanca e Telekom Albania dhe Telekom Romania ka rezultuar e jashtëzakonshme, të dy operatorët kryesojnë në performancën e transmetimit të të dhënave në vendet përkatëse, që do të thotë rrjeti më i mirë i internetit.
Këto testime kryhen nga ekspertët e “P3 Communications”, një kompani e dalë nga Instituti Fraunhofer, në Gjermani. P3 ofron që prej vitit 2001 konsulencë në teknologji dhe shërbime testimi për rrjetet celularë, shërbimet celulare dhe pajisjet e përdoruesve fundorë. Së fundmi P3 ka forcuar kriteret e vlerësimit në testimet e veta, megjithatë Grupi Deutsche Telekom vazhdon të kryesojë.