Fillimet gjithmonë janë të vështira, por me pak mund dhe përpjekje ia del. Sot RevistaWho.Com ka vendosur të na kujtojë disa nga personazhet e botës së televizionit që rrugën e tyre të gjatë gazetareske e kanë nisur nga studiot e radios.
Arbana Osmani
Arbana është një ndër prezantueset më të pëlqyera në ekranet shqiptare. Çdo emision i saj prek majat e audiencës. Por që Arbana të arrinte deri tek netët e “Big Brother” dhe “Dua të të bëj të lumtur”, duhet të kalonte në fillim në studiot e radios më të njohur në Shqipëri, “Top Albania Radio”. Moderatorja ka pohuar në intervista që fillimet i ka pasur të vështira, pasi sot kolegu i saj Bojken Lako dikur nuk e kishte pranuar të bëhej pjesë e stafit. Tashmë, kjo situatë ka mbetur në të shkuarën, ndërkohë Arbana është në top listën e më të mirave.
Alketa Vejsiu
Alketa Vejsiu nuk ka nevojë për shumë komente. Shpejtësia e saj në të folur bën që të gjithë të kuptojnë, se prezantuesja nuk ka se si mos ta ketë prekur qoftë edhe një herë mikrofonin në një radio. Edhe Alketa fillimet i ka pasur në të njëjtin ambient me kolegen e saj Arbanën, në “Top Albania Radio”.
Ledion Liço
E kur jemi te Ledioni, nuk kemi si mos ta dimë që takimi i tij i parë me ‘Top Median’ erdhi nga ‘Top Albania Radio’. Adoleshenti me ëndrra, ja doli të bënte për vete me talentin e tij jo vetëm dëgjuesit e rregullt, teleshikuesit e programacioneve ku bëntë pjesë, por dhe Sarën. Radio për Ledionin ishte dera që hapi shumë të tjera.
Adi Krasta
Kur jemi tek Adi Krasta nuk ka nevojë të flasim gjerë e gjatë, puna e tij flet vetë. Adi vazhdon të jetë aktiv herë pas here në emisione të ndryshme, duke kaluar sa në radio e sa në televizion. Zëri i tij timbrik pëlqehet jashtëzakonisht shumë.
Iris Luarasi
Iris Luarasi është një ndër personazhet më të kompletuar në median shqiptare. Ajo është pedagoge, gazetare, opinioniste dhe me një jetë familjare të realizuar. Edhe Irisi fillimet e saj i ka patur në radio, nga ku ju hapën shumë rrugë të tjera deri për të këtu ku është sot.
Dojna Mema
E kush nuk i ka dëgjuar qoftë edhe një herë emisionet radiofonike të Dojnës? Me siguri të gjithë jemi hasur një herë të vetme me shkathtësinë dhe elokuencën e saj. Së fundmi, Dojna pritet të prezantojë programin ‘The voice kids’, i cili vitet e shkuara është prezantuar nga Ledion Liço.
