Ismail Morina ose siç njihet ndryshe për publikun, Ballist Morina pas vuajtjeve të gjata në burg, më në fund është i lirë. Lajmin e ka bërë të ditur nëpërmjet një postimi në ‘Facebook’ ku falënderon të gjithë personat të cilët kontribuar në lirimin e tij.
“Me konsullin e përgjithshëm të Republikës së Shqipërisë të akredituar në Bari të Italisë, Zoti Dashamir Adrian Haskaj. Përgëzime të veçanta për strukturën e shtetit shqiptar që janë përfshirë në përpjekje të lirimit tim. Respekt për Kroacinë dhe Italinë për paanshmërinë që treguan. Mirënjohje për të gjithë zotërinjtë që zbritën në kryeqytetin shqiptar në mbrojtjen time. I lirë. Rroftë shpirti i shqiptarit”,- shkruan Ismaili.
Kujtojmë se Ballist Morina u bë i njohur rreth dy vite më parë përgjatë ndeshjes Serbi-Shqipëri. Nëpërmjet dronit ai fluturoi në stadium flamurin e Shqipërisë autoktone dhe për këtë u detyrua të endej burgjeve./tevistawho.com
