Një deklaratë e Aurela Hoxhës në ‘Pop Culture’ ka shkaktuar shumë debat në rrjete sociale. Modelja e njohur shqiptare ka thënë se i gjykon njerëzit nga pamja dhe ka treguar se që e vogël kishte frikë nga njerëzit jo shumë të bukur. Më tej ajo ka shtuar: “Më duket se pas një fytyre jo detyrimisht të bukur, por të ëmbël fshihet një shpirt i mirë. E kundërta i kam fobi njerëzit që kanë energji të keqe dhe nuk janë shumë të ëmbël në fytyrë”. Duke qenë se shumica e njerëzve nuk e kanë pritur mirë këtë, Aurela ka vendosur të reagojë dhe të tregojë se çfarë ka dashur të thotë në të vërtetë me fjalët e saj. “Pra njerëz të mirë, e kam fjalën për këtë lloj “bukurie” atë që nuk e them vetëm unë por e thonë edhe librat e shenjtë e njerëz që kanë lexuar një herë në jetë… dhe dinë ç’do të thotë energji, dhe shpirt i bukur!!! (nuk kam folur as për gjatësi këtu, as buzë të trasha, as sy blu…)”, – ka shkruar modelja bashkangjitur një fotografie të shkëputur nga një lajm.
Kjo do të thotë se njerëzit nuk gjykohen nga pamja e jashtme, por nga shpirti dhe energjia që përcjellin, sepse në fund të fundit të gjithë e dimë se kjo ka më shumë rëndësi. /revistawho.com
