Në puntatën e kësaj të marte të emisionit “Goca dhe Gra”, një moment tërhoqi vëmendjen e publikut, kur gjatë bisedës në studio u trajtua tema e trajnimeve motivuese që organizon Ermal Mamaqi.
Teksa po shpjegonte formatin e seminarit që do të zhvillohet këtë fundjavë, Mamaqi tha se qëllimi i tij është t’u tregojë pjesëmarrësve mënyra konkrete për të përmirësuar cilësinë e jetës dhe marrëdhënien me veten. Ai shtoi se në këto trajnime marrin pjesë edhe personazhe të njohur publikë.
“Të shtunë dhe të diel kam një trajnim. Vijnë shumë personazhe VIP. Do më dëgjosh dy ditë dhe unë do të tregoj se çfarë mund të bësh më mirë me jetën tënde”, u shpreh Mamaqi, duke ia drejtuar ftesën edhe aktores së njohur Ema Andrea, e cila ndodhej në panel.
Mirëpo, reagimi i Emës ishte i menjëhershëm:
“Me thënë të drejtën, tani e kuptova pse je në këtë situatë, ku je i bindur se çdo gjë që thua do t’u shërbejë të gjithëve. Çfarë bëj në jetë e kam zgjedhur vetë, dhe jam e suksesshme me këtë që kam zgjedhur. Kam gjëra më të rëndësishme për të bërë.”
Deklarata e saj krijoi një moment reflektimi në studio dhe ndezi diskutimin në panel, i cili u zhvendos drejt qasjes së ndryshme që njerëzit kanë ndaj zhvillimit personal dhe kuptimeve të suksesit.
