Këngëtarja Meghan Trainor ka ndarë hapur sfidat që po përjeton pas përdorimit të Botox-it dhe mbushësve estetikë, duke pranuar se nuk mund të buzëqeshë më si më parë. Gjatë një episodi të fundit të podcast-it të saj “Workin’ on It”, 30-vjeçarja rrëfeu se ka tepruar me injeksionet estetike, veçanërisht në ballë.
“Kam bërë shumë Botox dhe kam nevojë për ndihmë! E dreqosa!” tha ajo ndërsa shpjegoi se kishte eksperimentuar disa herë me procedurën.
Trainor zbuloi gjithashtu keqardhjen për vendimin e saj për të përdorur mbushës buzësh në përpjekje për të pasur një pamje më të plotë të buzës së sipërme. “Dikush më bindi për buzët e mia të vogla… më tha se mund t’i bëja të dukeshin bukur me një mbushës, dhe unë pranova. Ishte hera e parë që e bëra në gjithë këto 30 vite të jetës sime,” tha ajo.
Megjithatë, rezultati nuk ishte aspak siç e kishte imagjinuar. “Nuk ishte e vërtetë. Gjithashtu, nuk mund të buzëqesh më. Shikoni, kjo është maksimumi që mund të buzëqesh. Fytyra më dhemb sa herë që provoj të buzëqesh, madje edhe kur tentoj,” tregoi ajo.
Gjatë podcast-it, këngëtarja shikoi drejt kamerës për t’u treguar shikuesve kufizimin e saj në buzëqeshje. “Shikoni, kjo është gjithçka që mund të bëj,” tha ajo, duke dhënë një shembull vizual të efektit të procedurave në fytyrën e saj.
