Banori i shtëpisë së “Big Brother VIP 4”, Gjesti, ka tërhequr vëmendjen që prej hyrjes së tij në shtëpi. Ai ka qenë pjesë e disa debateve, por edhe bisedave të sinqerta me disa prej tyre.
Gjatë një bisede të fundit me Klajdin dhe Gertën, Gjesti vendosi të hapet për jetën e tij personale. Ai rrëfeu pasionin për kuzhinën, një aftësi që e kishte mësuar në rrethana të vështira.
“Kam mësuar kur nuk kisha lek në atë kohë. E me shokë kur donim me arrit që të bënim një gjë në profesionin tonë, të gjithë në një banesë, nuk kishim gjë, na duhej të blinim diçka, se ushqim të gatshëm nuk kishim pare. Prej mamit kam mësuar. Zori të bën të mësosh,” tha Gjesti, duke kujtuar periudhën kur jetonte me miqtë dhe duhej të përballonte vështirësitë e jetës.
Këngëtari gjithashtu ndau një detaj nga marrëdhëniet e tij me vajzat, duke theksuar një “fat të keq” që e ka ndjekur në këtë aspekt. Ai tregoi se shumica e vajzave që kishte pasur në jetën e tij nuk dinin të gatuanin, gjë që e kishte bërë atë të merrte më shumë përgjegjësi në kuzhinë.
“Kam një fat që më ndodh, një fat të keq, të gjitha vajzat që kam patur në jetën time. Kurrë s’kanë ditur të gatuajnë, veç unë. Dy vezë nuk dinin të bënin, e kjo ka qenë një eksperiencë të mësoj më shumë,” tha Gjesti.
