Ish-banori i “Big Brother VIP 4”, Redoni, ka qenë i ftuar në emisionin “S’e Luan Topi”. Këngëtari ka folur për jetën e tij personale dhe për eksperiencën në shtëpinë më të famshme në Shqipëri. Por edhe për pëlqimin e tij për Eglin, me të cilën ka shumë të përbashkëta.
Redoni: Unë aty kam hyrë për të bërë lojë, ka qenë vendi i fundit që kam pritur të ndjej diçka të fortë emocionale. Egli kur ka treguar historinë e saj, vuajtjen e saj me ankth, më ka prekur shumë se ishte e njëjta histori që e kam pasur unë dhe dilte nga goja e saj. Ka qenë hapi i parë që më ka afruar me të. E në të njëjtën kohë kur u mërzit ajo aq shumë duke e treguar historinë, mua mu ka kthyer mllefi, mungesa ndaj Edi, djali i xhaxhit, isha gati të shpërtheja në lot, po unë nuk shpërthej në lot si njerëz normal. Kisha frikë shumë me shpërthyer dhe e mbaja veten me krejt fuqinë dhe ajo e pa që jam keq. Ça më ka bërë përshtypje është se kur kemi fol për tema të ndryshme. Egli kishte shenjën e horoskopit të njëjtë me mbesën time, ok thashë. Shenjë shumë e vogël. Nisëm duke folur për seriale dhe ajo tha si të preferuar serialin që unë dhe djali i xhaxhait e kemi pasur të preferuar. U shokova se nuk e kisha dëgjuar nga një femër ta kishte të preferuar atë serial. Një shije e përbashkët. Pastaj kishte një tatuazh, drunin e jetës, i njëjti tatuazh që ka patur me bërë i ndjeri në dorën e vet. Aty pata një realizim spiritual, aty nuk ishte më lojë, gjërat po lidheshin. Me këtë vajzë thashë kam një gjë shumë speciale. Mendova se isha pa gjumë dhe ika me flet. Natën që kam flet më ka dalë fytyra e saj në ëndërr, ma ka nxjerrë gjumin me një eufori shumë të madhe, po thashë ta injoroj se nuk jam mirë. Më dha një ndjenjë shumë të mirë, po më dha një ndjenjë frike aq të madhe për shkak se unë e kisha këtej mamin dhe këtej një engjëll mbrojtës, një femër e mrekullueshme. Thashë unë këtu lojë nuk mund të bëj, këtu po përjetoj emocione reale, këtu po përjetoj gjëra që kam frikë me vazhduar.
