Kim Kardashian së fundmi është shfaqur në një video 14 minuta të ‘Vogue’ për të folur për të gjitha veshjet e saj më të bukura dhe ato më të këqija në këto 13 vite që ka qenë në qendër të vëmendjes. Ylli i televizionit ka treguar se momenti më i keq për të ka qenë në ‘Met Gala 2013’, pasi veshja e saj u komentua gjatë. Atë vit Kim ishte shtatzënë dhe për eventin e rëndësishëm zgjodhi një fustan me printe lulesh të ‘Givenchy’.
Shumë fansa nuk e pëlqyen veshjen e saj, ndaj menjëherë i kthyen fotot e Kardashian në meme. Kim e ka përjetuar shumë keq atë moment dhe ka treguar se ka qarë gjatë gjithë rrugës kur është kthyer për në shtëpi. “Kam qarë pothuajse gjatë gjithë rrugës për në shtëpi, sepse nuk mund ta besoja. Kishte aq shumë meme për mua. Mendoj se edhe Robin Williams shkruajti diçka në ‘Twitter’ për të, duke më krahasuar me zonjën Doubtfire”, ka rrëfyer Kim.
Ajo ka shtuar se asokohe askush nuk e donte atë atje, sepse Kim nuk ishte e ftuar në mbrëmjen e ‘Met Gala’. Tashmë ajo ka treguar se fustani i pëlqen shumë dhe mendon se ka qenë mjaft i bukur për kohën. “Më kujtohet që Mary-Kate dhe Ashley Olsen erdhën tek unë dhe e pëlqyen shumë veshjen dhe dorashkat e mia. Kështu që asnjë nga kritikat nuk vlenin, sepse binjakët Olsen e aprovuan”, ka thënë Kim. Ylli i ‘Keeping Up With The Kardashians’ ka treguar më herët se ka qenë Kanye West që e ka ndihmuar të zhvillojë stilin e saj dhe se shpeshherë ja zgjedh ai veshjet. /revistawho.com
