“Kam vendosur të…”, Ylli Limani na dha lajmin e parë të vitit 2026 dhe ne u trishtuam pak!
Viti 2026 sapo nisi dhe Ylli Limani i surprizoi fansat me një njoftim të papritur në Instagram, që për shumëkënd erdhi si një lajm i hidhur. Artisti, i njohur për koncertet e tij energjike dhe për praninë e shpeshtë në skenat e klubeve, ka vendosur të ndalojë për një periudhë të caktuar performancat në ambiente nate.
Në një mesazh emocional dhe tejet personal, Ylli sqaroi se ky vendim nuk ka të bëjë me largimin nga muzika dhe as me mungesë vlerësimi për klubet, por me nevojën për fokus, reflektim dhe përgatitje për diçka më të madhe. Sipas tij, muzika dhe publiku që e do meritojnë “më shumë”, një hapësirë tjetër, një frymëmarrje të re.
Postimi i plotë i Yllit Limanit:
“PËR SHUMË VJET, JEMI TAKU GATI ÇDO FUNDJAVË N’KLUBE TË NDRYSHME, GJITHKAH KU KA PASË NJERËZ QË E DOJNË MUZIKËN TEM. PRANIA E JUVE, ENERGJIA, AFËRSIA EDHE DASHNIA QË MA KENI DHANË, MA GZOJNË ZEMRËN DHE JOM FALENDERUES PAFUND!
TASH, KOM VENDOS ME U NDAL PAK.
N’VITIN 2026 NUK KOM ME MBAJT PERFORMANCA N’KLUBE. JO PSE PO LARGOHNA PREJ MUZIKËS OSE SE KLUBET S’JON PJESË E RËNDËSISHME E HISTORISË TEM: KLUBET JON VENDI KU MUZIKA JEM OSHT RRIT, KU KOM KNU BASHKË ME JUVE, EDHE KOM KUJTIME T’PAHARRUSHME. PO, PO BESOJ QË MUZIKA JEM EDHE ATA QË E DOJNË, MERITOJNË MA SHUMË.
DISA KANGË S’JON T’BOME PËR KLUBE DO MOMENTE LYPIN NI HAPËSIRË TJETËR PËR ME U NDJE QYSH DUHET.
DISA GJANA N’JETË LYPIN KOHË. FOKUS.
NI FRYMËMARRJE TJETËR.
KY OSHT THJESHT NI VENDIM PËR ME KRIJU HAPËSIRË PËR DIÇKA MA T’MADHE. PËR ME U PËRGATIT. PËR ME U TAKU NDRYSHE.
FALEMINDERIT PËR ÇDO NATË QË E KEMI
NDA BASHKË DERI SOT.
SHIHEMI SHUMË SHPEJT, QASHTU QYSH JU KENI QEF.
JU DUA <3”
