Gratë në të gjithë botën kanë filluar të postojnë ‘selfie’ me buzë të lyera dhe njollë buzëkuqi të shpërndarë rreth buzës, për të kujtuar se sa i rëndësishëm është kontrolli për kancerin e qafës së mitrës. Kanceri i qafës së mitrës është një ndër më të përhapurit tek gratë nën moshën 35 vjeç.
Për fat të keq një pjesë e madhe e grave refuzojnë të kryejnë testin për të zbuluar nëse janë apo jo të prekura nga kanceri i qafës së mitrës, sepse kanë turp ose mendojnë se kjo nuk është një gjë e rëndësishme. Fushata e quajtur “#SmearForSmear” synon që t’u kujtojë të gjitha grave se duhet të bëjnë patjetër një test, sepse një turp i vogël për zhveshjen përpara doktorit/doktoreshës nuk është asgjë krahasuar me zbulimin se je prekur nga kanceri. ‘Pap Test’-i mund të parandaloj 75% të rasteve të grave të prekura nga kanceri i qafës së mitrës.
