Albana Osmani është një nga figurat e hershme të ekranit të ‘Top Channel’ e cila ndër vite ka drejtuar programe të ndryshme si ‘Top Fest’, ‘Big Brother Fun Club’, ‘Select’ etj. Moderatorja është kthyer pas në kohë mëngjesin e sotëm duke publikuar një foto e cila tregon rrugëtimin e saj të gjatë në televizion. Krah kartës identifikuese me emrin e saj dhe profesionin që Albana ka ushtruar për vite të tëra, ka shkruar: “Ndihem si sot edhe pse kaluan 17 vite. Çfarë bëri Oprah Winfrey në jetë. Realizoi çdo ëndërr të saj me klas dhe dinjitet. Kaq e bekuar dhe kaq e lumtur, faleminderit publikut më të mirë në botë”.
Osmani ka shprehur dhe njëherë në këtë postim mirënjohjen për të gjithë publikun i cili e ka ndjekur për vite të tëra, por pa zbuluar diçka më shumë rreth projekteve të ardhshme të saj. Nuk dihet nëse në sezonin e ardhshëm do ta shohim Albanën të drejtojë një emision në ekranin e ‘Top Channel’, apo bukuroshja do të vazhdojë vetëm misionin e lulediellit, megjithatë kjo pritet të zbulohet nga vetë ajo në muajt në vazhdim./revistawho.com
