Duket se ditët e fundit nuk janë aspak të mira për futbollistin e Juventusit, Cristiano Ronaldo. Pak ditë më parë ai u akuzua për përdhunim dhe shumë shpejt çështja do të shkojë në gjykatë. Por për të mos mjaftuar kjo, femrat që ka pasur marrëdhënie kanë vendosur ta rrënojnë. E fundit është ish e dashura Irina Shayk, e cila ka vendosur të thyejë heshtjen e të tregojë për herë të parë arsyen e ndarjes. Në një intervistë 34-vjeçarja tregoi se ai e ka tradhtuar disa herë gjatë kohës kur ishin bashkë.
“U ndjeva budallaqe, kisha besim tek ai dhe i qëndrova pranë kur dolën thashethemet se kishte pasur lidhje me disa vajza të tjera. Kur e mësova të vërtetën ishte shumë e rëndë. Ronaldo nuk ishte mashkulli ideal për mua, mashkulli im ideal është i ndershëm, “gentleman” që di si të sillet me gratë. Nuk besoj tek burrat që na bëjnë të vuajmë sepse vetë ata nuk janë pjekur akoma.”- ka thënë ajo.
Momentalisht futbollisti është i martuar dhe është baba i 3 fëmijëve./revistawho.com
