Që një artist të jetë i preferuar në çdo kohë duhet të plotësojë disa komponentë të rëndësishëm. Jo të gjithë kanë fatin t’i kenë këto. Mirëpo disa këngëtarëve i ka ndriçuar ylli. Ata janë të kompletuar në çdo aspekt dhe kjo gjë i ka ndihmuar të ngjisin shkallët e suksesit shumë shpejt. “RevistaWho.Com” ka zgjedhur sot t’ju sjellë në vëmendje disa nga këngëtarët më të rinj të momentit, që përveç se të talentuar, po ‘çmendin’ vajzat me fizikun e tyre.
Ylli Limani:
Që nga vetë emri, Ylli nuk ka nevojë për shumë fjalë. Mjaftuan vetëm 2-3 këngë që Ylli të bëhej pjesë e rëndësishme e tregut muzikor shqiptar dhe të renditej mes emrave shumë të njohur. Përveç të tjerash, këngëtari ësht dalluar dhe për ëmbëlsinë që ka. Bukuria e tij ka bërë që vajzat të ‘marrosen’. “I kam mbajt sytë mshel për mos me t’pa tu ik”, thotë ai, por kur Ylli del në skenë, nuk guxon njeri t’i mbajë sytë “mshel”.
Butrint Imeri:
Butrint Imeri ka vetëm pak vite, që është pjesë e skenës shqiptare. Dalja e tij e parë u komentua nga të gjithë. Butrinti u krahasua me yjet ndërkombëtarë, si Justin Bieber apo pjestarët e grupit One Direction. Vajzat jo vetëm që kërcejnë nën ritmet e këngëve të tij, por dhe nuk reshtin pa diskutuar pamjen mjaft tërheqëse të tij.
Alban Ramosaj:
Alban Ramosaj është romantiku shqiptar, që nuk ka lënë vajzë pa bërë për vete. “Çkemi”, “Aurora”, “ A më do” janë vetëm disa nga hitet, të cilat e bën pjesë të tregut muzikor shqiptar. Dhe nëse flasim për pamjen e jashtme, trupi i palestruar, tiparet joshëse dhe shikimi ia ka ‘rrëmbyer’ zemrën pa përjashtim çdo vajze.
John Shahu:
John Shahu është talenti më i ri i skenës shqiptare. Duhet të dilte vetëm kënga e dytë e tij në bashkëpunim me Elvana Gjatën dhe Ledri Vulën, që të gjithë të afeksionoheshin pas tij. John përveç se këngëtar mjaft i mirë dhe tekstshkrues i talentuar, ka dhe një pamje shumë tërheqëse. Do ta krahasonim pa dyshim me artistët e ‘MTV’.
Trim Jetullahu:
Të gjithë e njohin thjesht si Trim dhe duket se në vetëm pak kohë ai u kthye në të preferuarin e vajzave. Bashkëpunimi me Çiljetën dhe fitorja e “Dance with me” bëri që Trimi t’i ngjiste shkallët e suksesit shumë shpejt. Trupi i palestruar dhe me muskuj, stili i veçantë në veshje e bënë këngëtarin mjaft të pëlqyer.
